Aplikimi për këtë program është mbyllur.

(Prishtinë, Tetor 2019) NextSEO ka filluar të pranojë aplikimet për programin e ri të praktikës në SEO, ku përfshihet trajnimi intensiv dhe praktika 5 mujore me pagesë.

SEO (Search Engine Optimization) është një prej strategjive më të avancuara të marketingut digjital dhe specialistët e kësaj fushe vlerësohen jashtëzakonisht shumë në tregun e punës.

Kjo praktikë ju jep mundesinë të mësoni rreth optimizimit të webfaqeve në mënyrë që të rritet popullariteti i tyre në motorët e kërkimit (Google, Bing, etj) dhe të rriten përfitimet për kompaninë.

NextSEO si kompani e specializuar në fushën e marketingut digjital, me qëllim të zgjerimit të stafit të saj, ka krijuar programin e trajnimit dhe praktikës ku të gjithë mund të aplikojnë, të kryejnë praktikën me pagesë, dhe në rast të rezultateve të mira të punësohen me kontratë të rregullt pune.

NextSEO operon në Kosovë tash e 10 vite duke bashkëpunuar me brende të njohura ndërkombtarisht dhe duke ofruar çdo vit trajnime profesionale dhe praktikë me pagesë për të rinjtë e interesuar që të kenë karrierë të suksesshme në marketing digjital.

Çka kërkohet nga ju?

  • Të keni njohuri mbi mesatare të gjuhës Angleze.
  • Te jeni kreativ dhe të keni dëshirë të mësoni më shumë për SEO dhe Marketing Digjital.
  • Preferohet të keni përfunduar studimet ose ligjeratat në universitet.
  • Të jeni të përkushtuar 100% që të tregoni sukses në këtë program.

Si të aplikohet?

  1. Aplikimi bëhet online në këtë link.
  2. Kandidatët e zgjedhur do të ftohen në zyret tona për të bërë testin e gjuhës angleze.
  3. Vetëm kandidatët që kalojnë me sukses testin do të kontaktohen.
  4. Programi është i ndarë në fazën e parë (2 muaj) dhe fazën e dytë (3 muaj).
  5. Në fillim të secilës fazë do të mbahet trajnim intensiv.
  6. Vetëm kandidatët që tregojnë suksese në fazën e parë do të kenë mundësi të vazhdojnë në fazën e dytë programin.
  7. Në rast të rezultateve të mira gjatë gjithë programit të praktikës, kandidatëve të caktuar do ju ofrohet pozitë pune në kompaninë tonë me kontratë të rregullt dhe shumë benefite tjera.

Pagesa:

  • Faza e parë: 150 euro Neto në muaj.
  • Faza e dytë: 250 euro Neto në muaj.

Orari: E Hënë – E Premte – 8.30 – 17.30 (1.30 orë pauzë)

Numri i pozitave të lira në këtë program: 8

Aplikimi për këtë program është mbyllur.

Linku për aplikim:
https://forms.gle/sUn3YA4mGqEpf4DH8